Стоковые изображения от Depositphotos
Осыған байланысты жылу желісіндегі температура қайтадан төмендеді. ШҚО ТЖД мәліметтері бойынша, қазіргі уақытта өрт жойылды, зардап шеккендер жоқ, деп хабарлайды Аrnapress.kz тілшісі.
— Қазандық агрегаттарына көмір жеткізуде туындаған проблема оларды мазут отынына ауыстыру арқылы шешілді – жылу станциясында өз қорлары бар, бұдан басқа, қазір Өскеменнен Риддерге 960 тонна мазут жіберілді және бұл бес күнге жетуі тиіс, — делінген ресми ақпаратта.
Оқиға орнына шұғыл түрде облыс әкімі Даниал Ахметов шықты. Ол кәсіпорын тәулігіне 240 тонна мазут жұмсайтынын, жұмысшылар үш күн ішінде өртенген цехты толығымен қалпына келтіретінін, сондықтан жағдайды төтенше деп бағалауға болмайтынын атап өтті.
Белгілі болғандай, штат бойынша талап етілетін 75 жұмысшының орнына Риддерлік ЖЭО-да алғашқы апатқа дейін барлығы 29 адам жұмыс істеді.
— Қазір тәулік бойы 150-ге жуық адам жұмыс істейді — бұл облыстың көптеген ірі кәсіпорындарының мамандары. Олар отын беру цехындағы өрттің салдарын жоятын болады, сонымен қатар барлық ақауларды тез арада реттеп, жабдықтарды жөндейді, жүйеде температураның айтарлықтай төмендеуіне жол бермеуге тырысады, — делінген ресми хабарламада.
Ресми мәліметтер бойынша, жылу орныдағы жабдықтардың тозуы 74,5% — ға жетті. Жақын арада апатты жағдайда резервте тұратын қалған екі қазандықты жөндеу жоспарланған. Келесі жылдың жылыту маусымында осындай оқиғалар қайталанбас үшін мамыр айында Риддер ЖЭО-ны толыққанды қайта жөндеу басталады.
Фото: ШҚО ақпараттық орталығы
По сообщению сайта Arna Press